Impakaammo ti Department of Budget and Management a makaawat dagiti government workers iti year-end bonus ken cash gift iti umuna a payroll dagitoy ita a bulan.
Ti year-end bonus ket katukad ti maysa a bulan a basic pay-da agingga idi October 31 bayat a makaawat dagitoy iti P5,000 cash gift kas reward iti dedikasyon ken panagtrabaho dagitoy.
Dagiti empleyado a makaawat kadagitoy ket dagiti nagtrabaho iti agarup 4 a bulan manipud January 1 agingga Oktubre 31.
Naituding met ditoy ti P63.69 billion a pundo para iti year-end bonus dagiti civilian ken military wenno uniformed personnel.
Sigun kenni Communications Undersecretary Claire Castro ti nasapa a panakaipaay ti reward dagiti government workers ket mangipakita iti panangbigbig ti Marcos Administration kadagitoy.
