--Ads--
Impakaammo ni Foreign Affairs Secretary Theresa Lazaro nga adda ni sigud nga Ako Bicol party-list Representative Zaldy Co sadiay Paris, France.
Sigun iti opisial, nagtaud ti impormasyon iti “highly regarded diplomatic source” a saannan nga innaganan.
Gapu iti dayta, nainget ita ti monitoring ti Philippine Embassy iti nasao a pagilian.
Immuna nga inwaragawag ti Malacañang a nagaplikar ni Co iti asylum sadiay France.
Nupay pay kasta, impasigurado ni Foreign Affairs Secretary Lazaro nga aramidenda ti amin nga addang maipapan iti daytoy.
Maipalagip a naipaulog ti arrest warrant kontra kenni Co ken 17 nga indibidual gapu iti maatap a pakainaiganda iti naanomalyaan a flood control projects iti pagilian.
