Zyra Bon-as manipud sadiay Mt. Province, nakagun-od iti Gold medal iti manarimaan a 2025 SEA Games sadiay Thailand

Nagun-od ni Zyra Bon-as manipud sadiay Mt. Province ti balitok a medalya iti manarimaan a 2025 SEA Games sadiay Bangkok, Thailand idi Martes, Disiembre 16, 2025.

Nagballigi ni Bon-as iti finals ti 48 kg. Low Kick Category iti skor a 2-1 kontra iti pambato ti Thailand a ni Jantakarn Manoban.

Immuna nga inabak ni Bon-as ni Bui Thi Yen Nhi ti Vietnam iti semifinals iti skor a 2-1.

Ni Bon-as ket agdama a 3rd Year BSESS student manipud iti College of Human Kinetics iti Benguet State University.