Inarestar dagiti otoridad ti maysa a babae idiay Tondo, Manila kalpasan a maatap nga agilaklako kadagiti relief goods manipod iti Department of Social Welfare and Development (DSWD).
Dumanon iti agarop 6000 a kahon iti maatap a DSWD family kits nga addaan iti tag a “Not for Sale” ken agbalor iti ₱15,520,000 ti narekober dagiti otoridad iti maysa a warehouse iti Barangay 56.
Sigun iti Criminal Investigation and Detection Group(CIDG), ti panangilako kadagiti relief goods ket maysa a panaglabsing iti Philippine Disaster Risk Reduction and Management Act of 2010 ken ti iligal a panagaramat iti insignia wenno pakabigbigan iti maysa a grupo ket panaglabsing metlaeng iti Revised Penal Code.
Kabayatanna,inlawlawag met ti DSWD nga awan ti pakainaigan daytoy iti naluguban a warehouse ken impettengda nga awan iti kameng dagitoy a karaman iti iligal nga aktibidad a kas iti nadakamat.
