--Ads--
BAGUIO CITY – Nakemmeg ti maysa a menor de edad kasaruno iti panangilakona iti iligal a droga kadagiti otoridad iti naisayangkat a buybust operation sadiay Purok 4, Bulanao Kalinga.
Maibasar iti report, agtawen iti 17 ti suspek, residente ti Bulanaao Centro ken maibilbilang kas street level drug personality.
![](https://img.bomboradyo.com/baguio/2022/04/277554093_7250777824964347_6062528955122573343_n.jpg)
Iti naisayangkat nga operasyon, nangilako ti menor de edad iti dua a pakete ti mapapati a shabu nga agdagsen iti 0.4 grams ken aggatad iti P2,720.
Malaksid iti dayta, nakumpiskar manipod kenkuana ti buy bust money ken cellphone a naaramat iti transaksyon.
Sumango met ti suspek iti kaso a panaglabsing iti RA9165 wenno Comprehensive Dangerous Drug act of 2002