BAGUIO CITY- Ad-adda pay nga ingetan ti LTFRB ken LTO Cordillera ti panagwanawanda kadagiti nagduduma a terminal ti parapubliko a lugan iti rehion.
Kasaruno daytoy ti panakasitar ti uppat a yunit ti UV Express ti Buguias Benguet Transport Service Cooperative gapu iti kinakurang ti dokumento dagitoy.
Babaen iti agtultuloy nga implementasion ti OPLAN BIYAHENG AYOS: SEMANA SANTA a programa ti gobierno, naduktalan nga awanan iti Special Permit, Provisional Authority ken OR dagiti lugan rason a saanda a napalubosan a nagbiahe.
Immunan iti daytoy, saan metlaeng a napalubosan ti dua a yunit ti bus nga agturong koma sadiay Metro Manila gapu iti kapada a rason.
Agtultuloy met ti monitoring ti maseknan nga ahensia kadagiti yunits ti UVEs ken bus agingga a maikalikagumda dagiti makidkiddaw a dokumento sakbay ti pammalubos iti panagbiahe dagitoy.
