Inyebkas ti maysa kadagiti sangapulo ket maysa a House prosecutors iti impeachment trial ni Vice President Sara Duterte a saanda unay a pampanunoten ti panangipasigurado a makonbiktar ti Bise Presidente kagiddan ti umas-asideg a midterm elections.
Sigun kenni Bukidnon Representative Jonathan Keith Flores, agpannurayda kadagiti ebidensia nga adda kadakuada.
Daytoy ket kinuna ni Flores idi nasaludsod no ti panagngato ti botos ti sumagmamano nga agngayngayangay a Senado a kaalyado ni sigud a President Rodrigo Duterte ken ti agdama a Bise Presidente ti mangpadanag kadakuada iti resulta ti umas-asideg nga impeachment trial.
Kinuna ni Flores a nakapokusda iti bukodda a pakaseknan, ken saanda pay a napagsaritaan ti posible nga epekto dagiti “surveys.”
