Maipatungpalen ti 10% discount para kadagiti solo parent iti munisipyo ti La Trinidad.
Sigun iti public advisory nga impablaak ti lokal a gobyerno ti La Trinidad, ti naipaulog ti Executive Order No. 104 series of 2026 kas panangiduron iti pannakaimplementar ti Municipal Ordinance No. 4-2025 a mangipaay iti discount kadagiti kwalipikado a solo parents kadagiti sumaganad a produkto: Baby’s Milk ken taraon, medical supplies, diapers ken hygiene products, ken kangrunaan a gagatangen.
Dagiti maikonsidera a kwalipikado iti nasao a direktiba ket dagiti parentes nga addaan iti innem a tawen agpababa, awanan trabaho wenno addaan iti P250,000 annual income.
Iparangda laeng dagiti valid Solo Parent ID Cards wenno Solo Parent Booklet.
Dagiti maduktalan a business establishments nga agkedked a mangbigbig kadagiti valid solo parents ID nga awan ti rason na ket agbalin a subject for review babaen iti Business Permits and Licensing Office ti munisipyo ken mapatawan dagitoy iti kaskenan a pannusa kas maitunos iti local tax code, Ordinance No. 4-2025 ken Section 25 of RA No. 11861. //bombokaren.c.sapirao
