--Ads--
Kompiyansa ni Bicol Saro Partylist Rep. Terry Ridon a makaala ti Kamara iti umdas a botos tapno mai-impeach ni Vice President Sara Duterte.
Sigun ken ni Ridon, nakaurnongen ti panel iti 53 a botos para iti probable cause.
Innayonna pay a ti laeng kasapulan ket 106 a botos tapno mai-impeach ti bise presidente ken maipatulod iti Senado ti impeachment trial.
Impetteng ti nasao nga opisial a nalaka a magun-od ti nasao a numero.
Maipalagip nga idi Pebrero 2025, na-impeach ni VP Duterte iti Kamara babaen ti 215 a butos.
Nupay kasta, inwaksi ti Senado ti kaso kalpasan nga indeklara ti Korte Suprema a saan a maitunos iti konstitusion.
