BAGUIO CITY – Dumanonen iti 12 a pagadalan iti entero a rehiyon Cordillera ti naipaayan ti pammalubos a mangisayangkat ti limitado a face-to-face class.
Sakupen ti klase dagiti priority health programs dagiti nasao a pagadalan para iti academic year 2021-2022.
Naipalubos ti face-to-face dagiti nasao a pagadalan kalpasan a nakompletoda dagiti maikalkalikagum iti CHED-DOH Joint Memorandum Circular No. 1 Series 2021.
Napili dagiti health-related degree programs iti in-inot a panakailukat dagiti pagadalan para iti limitado a face-to-face classes gaputa napateg dagiti nasao a kurso iti panakaipaay ti kanayonan a pwersa kas suporta iti health system iti agdama a pandemya.
Ituloy met ti composite team ti CHED-CAR, DOH-CAR ken dagiti maseknan nga LGU wenno local IATF ti panagwanawan iti implementasyon ti limitado a face-to-face classes.
Adtoy dagiti pagadalan iti Cordillera a napalubusan nga agisayangkat ti limitado a face-to-face class kadagiti priority health programs para iti academic year 2021-2022:
1. Benguet State University
– Bachelor of Science in Nursing
2. Baguio Central University
– Bachelor of Science in Nursing
– Diploma in Midwifery
3. Cordillera Career Development College
– Bachelor of Science in Nursing
– Bachelor of Science in Midwifery
4. Easter College
– Bachelor of Science in Nursing
5. Ifugao State University
– Bachelor of Science in Nursing (Lamut Campus)
– Diploma in Midwifery (Potio Campus)
6. Kalinga State University
– Bachelor of Science in Midwifery
7. Pines City Colleges
– Bachelor of Science in Physical Therapy
– Bachelor of Science in Nursing
– Bachelor of Science in Medical Laboratory Science
– Doctor of Dental Medicine
8. Saint Louis University
– Doctor of Medicine
– Bachelor of Science in Nursing
– Bachelor of Science in Medical Laboratory Science
9. Benguet Vocational School
– Diploma in Midwifery
10. University of Baguio
– Bachelor of Science in Nursing
– Bachelor of Science in Physical Therapy
– Bachelor of Science in Medical Laboratory Science
– Doctor of Dental Medicine
11. University of the Cordilleras
– Bachelor of Science in Nursing
12. Mountain Province State Polytechnic College
– Bachelor of Science in Nursing
