Nakairekord ti Police Regional Office-Cordillera Administrative Region iti pakabuklan a bilang a 13 nga index crime incidents manipud Agosto 1 agingga Agosto 22 iti agdama a tawen.
Sigun iti datos ti nasao nga ahensya, lima iti nasao a bilang ti nailista manipud iti Probinsya ti Benguet no sadino kaaduan ket kaso iti panagtakaw.
Sarunoen met daytoy ti siudad ti Baguio iti bilang nga uppat no sadino dua ditoy ket kaso iti panangrames.
Kabayatanna, dua met ti nailista manipud Mountain Province ken saggaysa idiay Abra ken Kalinga.
Iti baet dayta, agtultuloy ti panagregget dagiti kapulisan iti panangtalinaed iti seguridad kadagiti komunidad.
Makikokoordinarda metlaeng kadagit nagduduma a local government units ken dadduma a maseknan nga ahensya tapno masigurado ti kinatalged iti nagduduma a probinsya.
