BAGUIO CITY- Dumanon iti 132 a kaso ti Vehicular Traffic Accident iti probinsya ti Benguet ti nailista ti Benguet Provincial Police Office manipod bulan ti Enero iti agdama a tawen agginga idi Marso 18.
Manipod iti nasao a bilang, dumanon iti 81 ti nailista a Reckles Imprudence Resulting to Damage Property, 6 ti Reckles Imprudence Resulting to Homicide ken 45 ti Reckless Imprudence Resulting ti Damage to Property.
Naamuan pay a nangatngato dagiti nasoa a bilang no idilig iti 15 a kaso ti kapada a bulan idi tawen 2021 no sadinu 3 ti nailista a Reckless Imprudence Resulting to Homicide
Mainaig iti dayta, rumrumwar iti imbestigaayon dagiti police a ti kangrunaan paylaeng a rasun ti vehicular traffic accident ket gapu iti human error.
Dagiti nailista a vehicular traffic accident ket napasamak iti nadumaduma a kalsada iti probinsya.
Gapu iti daytoy, impetteng ti Benguet PNP a nasken a maingetan manen ti Information Education Campaign tapnu maliklikan ti aksidente kadagiti kalkalsada.
