Nakasaganan a maideploy dagiti 1,410 a police personnels ken force multipliers iti aglawlaw ti siudad bayat ti Panagbenga festival grand opening iti siudad ti Baguio inton bigat.
Mangrugi dagitoy a maideploy inton madamdama ala una ti parbangon agingga alas tres iti malem.
Sigun kenni BCPO City Director Police Col. Ruel Tagel, 852 a police personnel ti nagapu manipud Baguio’s Finest bayat a 558 met ti nagtaud manipud iti augmentation nga impatulod ti Police Regional Office (PRO) -Cordillera ken dadduma pay a force multipliers.
Daytoy ket tapno maipasigurado ti linak ken kapya bayat ti nasao a parada.
Impasigurado pay ni Tagel nga umdas dagiti maideploy bayat dagiti major highlights ti festival kas iti grand street dancing parade inton Pebrero baente dos ken ti grand floral parade inton Pebrero baente tres.
Malaksid iti dayta, impasiguradona metlaeng kadagiti residente ken turista ti kinatalged dagitoy bayat ti panagbuyada kadagiti nagduduma nga aktibidad bayat ti nasao a festival.
