BAGUIO CITY – Pimmusay ti dua nga indibidual bayat a nadangran ti 23 a dadduma pay manipud Caganayan, Tineg, Abra iti panakatumba ti naglugananda a truck sadiay Barangay Tapayen, Tineg, Abra idi malem kalman.
Nabigbig dagiti pimmusay a da Marites Idao Inon, 43-anyos ken Madelyn Biwet Paingan, 47-anyos.
Maibasar iti report ti Tineg Municipal Police Station, agturong kuma sadiay Caganayan, Tineg ti truck nga addaan tatak nga ABRAMAZING nga awanan ti plaka ken imanmaneho ni Henrito Tubak, 50-anyos.
Nupay kasta, idi nakadtengda iti junction ti Barangay Alaoa ken Barangay Tapayen ket naawanan iti preno ti truck isut gapuna a naidungpar daytoy iti kanawan a paset ti bantay agingga a natumba daytoy.
Dagus a nagresponde dagiti otoridad ken naitaray dagiti 15 a biktima iti Abra Provincial Hospital pakairamanan ti driver ngem naideklara a dead on arrival ti pasahero a ni Marites Inon bayat a pimmusay ni Madelyn Paingan bayat ti panakataming daytoy.
Nakaruar metten dagiti 10 a pasahero a naiturong iti Tineg Rural Health Unit gapu iti nasagrap dagitoy a minor injuries.
Naiturong metten iti maysa a punerarya sadiay Bangued, Abra ti bangkay dagiti pimmusay a biktima bayat nga agpapaimbagen dagiti dadduma nga adda iti Abra Provincial Hospital, pakairamanan ti driver.
Nagan dagiti nadangran:
- Henrito Rebotazo Tubak, 50-anyos
- Lilygrace Batoon, 33-anyos
- Miola Badili
- Maryjane Mailed
- Felina Bayudang, 34-anyos
- Cherrymae Bayudang, 14-anyos
- Salcedo Atsay
- Lydia Atsay
- Rebecca Biwet
- Rosely Biyok
- Cabildo Biyok
- Judalyn Uñate,
- Crismar Liya, 20-anyos
- Marlou Dumagen, 54-anyos
- Petronila Dumagen, 41-anyos
- Genalyn Paingan, 30-anyos
- Roel Silin, 35-anyos
- Betty Dikwa, 32-anyos
- Clarissa Paingan, 30-anyos
- Carmelita Marcelo, 39-anyos
- Beatriz Becua, 31-anyos
- Rodelo Dela Cruz, 45-anyos
- Daisy Abanes, 39-anyos
