BAGUIO CITY– Posible a mapilaan iti kaso ti agtawen iti 22 a babae kalpasan a nagaramid iti peke a dokumento tapno agtakaw.
Nabigbig ti suspek a delivery personnel ti maysa a paglakuan ken residente ti Bakakeng Norte, Baguio City
Iti report dagiti kapulisan, nagreklamo ti 38-anyos a babae, businesswoman ken residente iti Bakakeng Central, Baguio City.
Sigun iti biktima, maatap a nagaramid ti suspek iti peke a private documents tapno agtakaw iti kwarta idi May 2025 ken March 2026.
Maatap nga agsingsinger ti suspek iti nalabes kadagiti kliente dagitoy.
Nupay kasta, naduktalan ti discrepancy idi Marso 2026 kalpasan a nagreklamo ti maysa a kliente gapu iti agbaliw-baliw a presyo dagitoy.
Ditoy metlaeng a naduktalan a saan a naisubmitir ti agarup P70,000.
Sigun pay iti report ti kapulisan, maatap nga imbulsa ti suspek ti nasao a kuarta para iti personal nga interest daytoy.//Bombo Noveh Organo
