Naarestar ti 25 – anyos a lalaki, babaen iti naipatungpal a Drug Buy-bust operation sadiay Sto. Tomas Proper, Aspiras Palispis Marcos High-way, Baguio City ita a rabii, August 18, 2026.
Ti suspek ket awanan trabaho, ALS Junior high school undergraduate ken residente iti siudad Baguio City.
Nakumpiskar manipud iti suspek ti maysa a pidaso ti heat sealed transparent plastic sachet a naglaun iti maatap a Shabu nga agdagsen iti 0.3 a gramos.
Addaan daytoy iti Standard Drug Price a P2,040.00 a subject of sale.
Malaksid iti dayta, nakompiskar metlaeng manipud iti suspek ti maysa a pidaso ti genuine five-hundred-peso bill ken maysa a pidaso ti one thousand peso bill a boodle money.
Iti agdama, addan iti kustodiya ti kapulisan ti nasao a suspek a sumango iti kaso a panaglabsing iti RA 9165 wenno Comprehensive Dangerous Drugs Act of 2002.
Daytoy ti maikadua a nakemmeg iti nagsina a Drug Buy-bust operation iti siuda ti Baguio ita nga aldaw.
Balligi ti operasyon babaen iti Baguio City Police Office SDEU PS5 (Lead Unit), Baguio City Police Office PS10, City Intelligence Unit, ken City Drug Enforcement Unit.//Bombo Noveh Organo
