PAKISTAN – Ammo yu kadi ka-Bombo a maysa a babae nga agtawen ti dua pulo ket pito ti nangipasngay ti innem a maladaga iti las-ud laeng ti maysa nga oras sadiay Pakistan?
Nangipasngay ti Zeenat ti nasalun-at a maladaga nu sadino uppat ti lalaki ken dua ti babai ken agdagsen dagitoy ti agarup dua a kilo.
Ngem kinasapulan dagiti doktor nga ikabil dagiti malada iti incubator para iti nasaysayaat a kasasaad dagitoy.
Sigun iti duty officer iti labor room, saan a normal ti panagpasngay ni Zeenat Waheed agsipud ta nagsagaba daytoy ti sumagmamano a komplikasyon ngem kinuna dagiti eksperto iti medisina a mabalin a sumayaat ti kasasaad daytoy kadagiti sumarsaruno nga aldaw.
Kabayatanna, naidumduma ni Zeenat gapu ta manmano laeng kadagiti babbae ti agannak ti sextuplet.//Bombo Marielle Apat
