Pimmusay ti maysa a lalaki nga agtawen iti uppat a pulo ket walo a residente iti munisipyo ti Tuba, Benguet kalpasan a maatap a kinettelna ti bukodna a biag.
Iti report iti pulisia, napasamak ti insidente iti pasado alas-12 iti malem idi Hunio 30, 2026.
Iti imbestigasion, bayat nga agkapkape iti uneg iti kusina ti putot iti biktima, nadlawna a rimmuar ti tatangna iti pagtaengan dagitoy.
Sumagmamano a minutos ken oras ti napalabas, dimteng ti kalive-in ti tatangna a mangsapsapul nu sadinno daytoy.
Apaman a naamuan ti babai a rinumwar ti biktima ket sinapulna iti ruar ti pagtaengan. Nupay kasta, nadiskobrena nga awanen ti biag ti kalive-inna.
Dagos nga inarayat daytoy iti putotna ngem awanen ti biag ti biktima.
Nagdesision metlaeng ti pamilia ti biktima a saanen a maipasidong iti autopsy ti bangkay daytoy.
Kabayatanna, naamuan a makapaspasar ti depression ti biktima gapu iti sakitna nga stroke.
Iti agdama, malamlamayan ti bangkayna iti pagtaenganda.| via Bombo Noveh Organo
