Mapadpadayawan ti maysa a working student manipod idiay Apayao State College (ASC)–Conner Campus kalpasan a nagmarka iti pakaistoryaan a nagbalin a kaunaan a Magna Cum Laude iti pagadalan iti kaleppas a commencement exercises.
Nabigbig daytoy a ni Dhezyrine Gandalera, nagleppas iti Bachelor of Secondary Education major in Social Studies.
Dimakkel ni Gandalera iti pamilia iti maysa a laborer ken housewife ken kinasapulanna a pagidanen ti panagadal ken panagtrabaho tapno maipaayanna ti kasapulanna iti edukasion.
Iti tengnga iti karit iti pandemia, nagsuro kadagiti ubbing a kaarubana ken nagbalin a kolumnista iti maysa a local newspaper, a nangnayun iti pagal-alaanna iti pammastrekan bayat nga agad-adal.
Iti baet iti kinarigat, pressure iti pamilia, ken personal a panagdudua, pinilina nga ituloy ken inaramat dagiti pannubok kas inspirasion tapno makaleppas iti kangatwan a pammabigbig.
Sigun kenni Gandalera, ti panagballigina ket bunga iti disiplina, determinasion, ken umno a panangimanehar iti oras, kagiddan ti panangguyugoyna kadagiti estudiante a saan nga idilig ti bukod a bagi ken agtalinaed a nakapokus iti bukod a panggep.
Panggepna a mangala iti Licensure Examination for Teachers (LET), mangged, ken ituloy iti nangatngato a panagadal.
