Manarimaan ita ti pannakaiproseso ti agarup 3.6 billion a budget para iti siudad ti Baguio inton sumaruno a tawen, 2026.
Iti pannakiuman ti Bombo Radyo Baguio ken ni Baguio City Vice Mayor Atty. Faustino Olowan, napagnunumuanda ti nasao a budget babaen iti Deliberation Budget for 2026 idi kalman, Nobyembre 17.
Inlawlawag ni Vice Mayor Olowan a maad-adal pay laeng ti nasao a budget.
Kalpasan a maaprobaran, maiwaras daytoy kadagiti nagduduma nga opisina iti lokal a gobyierno ti Baguio City kas iti Social Services Office, City Engineering Office, City Environment and Parks Management Office, City Veterinary and Agriculture Office, General Services Office, ken dadduma pay.
Inlawlawag ni Vice Mayor Olowan nga umdas ti nasao a gatad para iti siudad ti Baguio.
Dinakamatna a nangatngato ti pundo para iti sumaruno a tawen nu idilig idi napalabas a tawen.
Sigun pay kenkuana, ngumatngato ti income ti siudad isu’t gapuna nga adda met ti panagngato ti budget ti siudad.
Denggen tay man iti paset ti pannarita ni Baguio City Vice Mayor Atty. Faustino Olowan.| via Bombo Karen Sapirao
