--Ads--
BAGUIO CITY – Naipasidong iti lockdown iti uneg ti 15 nga aldaw ti tallo a barangay iti ili ti Tinglayan sadiay Kalinga.
Sigun ken ni DILG-Kalinga Provincial Director Mayer Adong, gapu daytoy iti nangato a kaso ti COVID-19 a nailista sadiay ita a lawas.
Sakop ti lockdown ti Bangad Centro, Upper Bangad ken Lower Bangad a nakailistaan iti 23 a kabarbaro a kaso ti COVID-19.
Nangrugi ti lockdown idi pay Nobiembre 23 ken agleppas inton Disiembre 7.
Inlawlawag ni Adong a para daytoy iti pannakaipatungpal ti contact tracing ken tapno malapdan ti panagwaras ti virus.
Iti agdama, addan ti 325 a kaso ti COVID-19 iti intero a Kalinga, 276 dagiti naimbagan, 49 dagiti aktibo a kaso bayat a maysa ti pimmusay.
