Impanamnama ni Bryan Christopher Donggayao, Acting Regional Legal Officer ken concurrent legal officer ti National Commission (National Commission on Indigenous Peoples (NCIP) a dumalan iti umno a proseso dagiti amin a concern ken isyu a maiyum-uman kadakuada.
Sigun kenni Donggayao, awan ti ay-ayunan dagitoy nu di ket kitkitaenda nu mapotprotektaran dagiti karbengan dagiti indigenous people a maitunos iti pagalagadan wenno linteg.
Daytoy ket kagiddan iti personal a panangipila ti Balatoc Indigenous Concern Group ken agtutubo ken miyembro ti komunidad wenno ti Balatoc Indigenous Cultural Community ti Pasil, Kalinga iti petisyonda kontra iti operasyon a Maalinao- Caigutan Biyog Mining Project (MCIB) babaen iti maysa a large scale mining company.
Impetteng ni Donggayao nga urnungenda amin dagiti kaskenan a dokumento manipud iti provincial office para iti evaluation.
Kalpasanna, ivalidate da dagitoyen ken mangipatungpal ti Regional Office ti occular site inspection ken imbestigasyon kadua ti local government unit no sadinoo maysa a kitaenda ket ti environment degredation a maysa kadagiti alegasyon ti Indigenous People Community.
Maipalpalagip a konkontraen ti Balatoc Indigenous Concern Group ken dagiti agtutubo ken miyembro ti komunidad ti Balatoc Indigenous Cultural Community ti Pasil, Kalinga ti operasyon ti large scale mining gapu ta awan ti naipatungpal a pudno a representation dagiti indigenous people ken saan a naikonsidera ti arungaing dagiti mangkonkontra iti nasao nga operasyon.
Malaksid iti dayta, maatap a saan a nasurot ti Free Prior Informed Consent (FPIC ) ken Certificate of Precondition (CP), ken apektado metlaengen ti livelihood dagitoy.
Innayon met ni Donggayao a kabayatan iti Community Assembly, manamnama a maipresenta amin dagiti background ti proyekto no sadinno awan unay ti nagbalin a parikot.
Naaddaan laeng dagitoy iti parikot idi dinumteng ti panagdesisyon. //Bombo Noveh Organo
