Napilaan iti kaso ti maysa a lalaki, 36 y/o, awanan iti asawa, laborer, tubo sadiay Buguias ken residente sadiay Chicken Dung Compound, Shilan.
Ti biktima ket maysa a babae, 49 y/o, addaan iti asawa, businesswoman, tubo sadiay Tublay, Benguet ken residente iti Buyagan, La Trinidad.
Maibasar iti imbestigasion ti pulisya, naiparada ti black Toyota Fortuner 2013 iti batog ti maysa a billiard hall idiay Brgy. Shilan kalpasan nga inmaniho ti live in partner ti biktima.
Inkargana ti susi iti jacket daytoy sakbayna nga inbitin iti dinding ti billiard hall.
Sumagmamano nga oras ti napalabas idi naobserbaran ti kasingsingna nga awanen ti lugan iti baet nga adda paylaeng iti unneg ti billiard hall ti biktima.
Gapu iti dayta, dagus dagitoy a nagkiddaw iti tulong iti La Trinidad Munisipal Police Station.
Idiay a naduktalan a nakita iti Barangay Buyagan ti nasao a lugan ken nairaman iti Vehicular Traffic Accident.
Dagus met a naiturong ti suspek iti La Trinidad Munisipal Police Station para iti settlement.
Nupay kasta, addaan iti impluensia iti arak ti suspek.
Gapu iti dayta, naipatungpal ti negosassion dagitoy iti kabigatanna.
Idiay metten a nagdisisyon ti biktima a pilaanna iti kaso ti suspek.//Bombo Genzel Depayso
