--Ads--
BAGUIO CITY – Nagturpos ti 38 nga outstanding ube farmers sadiay Tuba, Benguet manipud iti School- On-Air Program ti Department of Agriculture (DA) – Cordillera babaen iti istasyon ti Bombo Radyo Baguio.
Nagadal dagitoy iti uneg ti dua a bulan seknan iti production and management ti ube a naipatangatang iti radyo.
Naawat dagiti graduates manipud kadagiti ube producing barangays ti Tuba kas iti Taloy Sur, Taloy Norte ken San Pascual ti Certificate of Course Completion.
Nakaawatda pay ti pala, plastic hose, drums ken dadduma a kagawaan para iti panagmula manipud iti High Value Crops Development Program ti ahensia.
