MT. PROVINCE – Manarimaan ti panakarambak ti maika-tallo pulo ket walo a komemorasyon ti Mt. Data Sipat (Peace Accord) iti Mt. Data Hotel idiay Bauko, Mt. Province ita nga aldaw, Setyembre 13.
Daytoy nga event ket pananglagip iti naipatungpal a Sipat wenno Mt. Data Peace Accord iti nagbaetan ti Cordillera People’s Liberation Army (CPLA) nga indauloan ni Fr. Conrado Balweg ken gobyerno ti Pilipinas nga former President Corazon Aquino.
Ipakpakita daytoy a katulagan ti kinapateg ti kooperasyon, talek, ken panagraem para iti panakasustain ti ‘sipat’ wenno ceasefire iti las-ud ti tallo pulo ket walo a tawen.
Malaksid iti dayta, nangitunda ti 1986 Sipat iti panakabukel ti Cordillera Administrative Region (CAR) babaen iti impaulog ni former President Aquino nga Executive Order No. 220 idi Hulyo 15, 1987.
Pinasetan daytoy ni Sec. Carlito Galvez Jr., ti Presidential Adviser on Peace, Reconciliation and Unity; nagduduma a lines agencies kas iti DOTr-CAR, local government unit (LGU) ti Mt. Province, Moutain Province State University ken daduma pay.
Iti nasao nga event, manamnama ti unity dance a buklen ti cultural dance iti rehiyon Cordillera.//Bombo Marinel Rodrigo
