BAGUIO CITY–Nakumpiskar ti 390 a kilo ti karne ti baboy iti quarantine checkpoint sadiay Tangadan, San Quintin, Abra.
Sigun ken ni Dr. Jomarh Zales, Chief Regulatory Officer ti Provincial Veterinary Office ti Abra, nakumpiskar dagiti nasao a karne manipud ken ni Rebecca Canlas alyas Rebecca Marcelino a pasahero ti maysa a bus.
Kinuna ni Zales a naikabil dagiti karne ti baboy iti innem a sako a naglaon iti kinarkarton a lapayag ken dalem ti baboy.
Kinunana a naglugan ti pasahero sadiay San Fernando, La Union ken itulodna koma dagiti karne ti baboy iti ili ti Bangued.
Inlawlawagna a maibilang a hot meat dagiti nasao a karne gapu ta awan ti naipakita a shipping permit ken certificate of meat inspection ti nangibiyahe kadagitoy.
Kinuna ni Zales a naikabil dagiti karne ti baboy iti innem a sako a naglaon iti kinarkarton a lapayag ken dalem ti baboyInlawlawagna a maibilang a hot meat dagiti nasao a karne gapu ta
Kinunana a maibilang pay daytoy kas panaglabsing iti Executive Order no. 15 ni Governor Joy Bernos a pannakaipawil a maiserrek dagiti baboy, karne ti baboy ken dagiti processed meat products sadiay Abra.
Nagkalintegan ti nangibiahe ken kinunana a naibaon laeng daytoy a mangi-deliver kadagiti karne.
Nupayt kasta, makasuan daytoy iti panaglabsing iti R.A. 10536 wenno ti Meat Inspection Code of the Philippines.
Dagus a naikali ken napooran dagiti nakumpiskar a karne ti baboy.***
