Inwaragawag ti Philippine Statistics Authority nga awanan iti birth record ken datos iti nasao nga opisina dagiti uppat a gasut ket lima nga indibidual a nailista kas recipients iti condifendential funds iti opisina ti bise presidente ken iti Department of Education iti sidong ni Vice President Sara Duterte.
Malaksid iti dayta, naduktalan metlaeng a dagiti nailista a dua gasut a recipients iti nasao a confidential funds ket addaan iti naulit a nagan kas maibasar iti records dagitoy.
Sigun kenni Rep. Joel Chua, chairman iti House Committee on Good Government and Public Accountability, immunan nga insubmitirda dagiti 677 a nagan no sadino ditoy met a naduktalanda nga awanan iti birth record dagiti dadduma bayat a naulit ti naganda dagiti dadduma pay.
Daytoy ket kasaruno metlaeng a naduktalan ti nagan a “Mary Grace Piattos” ken “Kokoy Villamin”,nga awanan iti aniaman a nagan.
Nupay kasta, immunan a pinaglibakan daytoy ti bise presidente nu sadino ti imbestigasyon kenkuana ket kas paset ti political persecution.