VIETNAM – Bigbigbigenda nga “sleepless seamstress” ni Nguyen Ngoc My Kim gapu ta saan a natnaturog iti las-ud ti tallo a dekada.
Agdadait ti panggedan ni Nguyen ken agnanaed idiay Long An, Vietnam.
Sigun kenkuana, saan a bisbisitaen daytoy ti turog ken saan a naapektaran ti salun-atna.
Kinunana a normal ti sleeping habitsna bayat ti panagdakkelna ngem nangrugi a saanen a makaturog idi nangrugi a nagadal ken agbasa ti libro.
Kabaelanna pay nga agbasa ti libro nga agpatpatnag nu sadino awanen ti orasna a maturog pay kadagiti sumarsaruno nga oras gapu ta kasapulanna nga aramiden ti daduma pay a trabahona.
Nagtultuloy daytoy a cycle agingga a nagbalin a seamstress.
Nupay kasta, inaklonna a makarikrikna daytoy ti panakabannog ken panakaulaw tunggal madanon ti aldaw.
Iti agdama, saan pay a nagturturong ni Nguyen kadagiti doktor tapno maduktalan ti kondisyonna.
