Naipatungpal ti 4th Regional Joint Security Control Center Command Conference sadiay Camp Major Bado Dangwa, La Trinidad, Benguet idi kalman.
Daytoy ket nakipasetan dagiti nagduduma nga ahensya a pakairamanan ti Philippine National Police, Armed Forces of the Philippines, Department of Education, Department of the Interior and Local Government, Commission on Elections ken daduma pay.
Iti nasao a conference, napagtalantananda ti maipapan iti “readiness report” maipapan iti Peace and Order situation tapno makakategorya dagiti election areas of concern.
Malaksid iti dayta, napagsaritaanda ti Joint Circular No. 1600298 wenno ti Electioneering & Partisan Political Activity; ti Resolution No. 11122 wenno ti guidelines maipapan iti access dagiti media kadagiti polling places, voting centers ken canvassing centers inton Mayo a dose iti agdama a tawen; kasta met ti Resolution No. 11116 wenno ti Anti-Discrimination ken Fair Campaigning guidelines iti umadanin nga eleksyon.
Daytoy a conference ket nakasentro para iti panagsagana ken dagiti nasken a maaramid ita nga election period nangruna inton mapasamak ti 2025 National ken local elections.
Kabayatanna, nangipaay met iti mensahe da Police Brigadier General David Peredo Jr., Major General Gulliver Señires ken ni Atty. Julius Torres.
Ti met nagserbi kas emcee iti nasao a conference ket ni Atty. John Paul Martin.
