BAGUIO CITY – Nakaawat ti lokal a gobierno ti Baguio City iti kanayunan a suplay ti Moderna vaccines kontra COVID-19
Sigun ken Mayor Benjamin Magalong, impaay ti maysa a pribado a kumpanya dagiti 500 vials wenno 5,000 doses ti nasao a bakuna kas suporta dagitoy iti syudad
Dinakamatna a naibus ti maiwarwaras ditoy syudad a Moderna Vaccine manipod iti maudi a bulan ti 2021
Gapu iti dayta, mamati daytoy nga ad-adda a mapapartak ti pannakaiwaras ti maikadwa a booster shots iti syudad babaen iti pannakaisangpet ti nasao a brand ti bakuna
Kinunana nga adda dagiti umili a mamati laeng iti homologous doses isut gapu a dagiti dadduma a nakaawat iti bakuna a Moderna ket saan pay a naipaayan iti booster
Malaksid iti dayta, nailawlawag a ti nasao a brand ti bakuna ket isut impaayan ti Food and Drug Administration iti Emergency Use Authorization para kadagiti agtawen iti 6 agingga 11 nga ubbing
Kagiddan iti dayta, kinuna ti Mayor nga ituloy latta ti syudad iti panagbakuna iti baet a naartapanen ti maibilbilang a herd immunity
