Impetteng ni Jail Chief Inspector (JCINSP) John Wayland Lapon, warden ti Baguio City Jail Male Dormitory, a saan parikut ita a nabara ti panawen ti 64% a congestion rate iti Baguio City Jail Male Dormitory.
Iti pannakiuman ti Bombo Radyo kenkuana, kinunana nga umdas ti maipapaay nga espasyo wenno ti pagturugan dagiti 255 a PDLs ita a mapaspasaran ti napudot a paniempo.
Sigun kenkuana, sigsiguraduenda ti umdas a danum nga aramated dagiti PDLs a pagdigus ken paglaba kadagiti aruaten dagitoy.
Malaksid iti dayta, impeksa ti warden a maipasigurado met ti umno a ventilation iti nasao a pasilidad gapu ta nangimuntarda kadagiti exhaust fans kadagiti nagduduma a paset ti Baguio City Jail Male Dormitory tapnu iti kasta ket maikkat ti pudot iti uneg ti pagbaludan.
