BAGUIO CITY- Italtal-o ita ti lokal a gobyerno ti Atok, Benguet ti maysa kadagiti potensiyal nga atraksyon a maaw-awagan kas hidden Bonsai Paradise sadiay Tulodan, Cattubo.
Maimatangan ditoy ti landscape ti bonsai cypress trees.
Awan paylaeng ti naituding nga entrance fee iti nasao a disso gaputa saan paylaeng nga opisyal a nailukat iti publiko.
Nupay kasta, mabalin latta nga agturong sadiay dagiti agtarigagay nga agbisita.
Mabalin metlaeng a mangipaay ti donasyon tapno ad-adda pay a mapapintas ti nasao a disso sakbay a maideklara kas maysa kadagiti tourist attraction ti Atok, Benguet.
Iti kanito a mapasamak daytoy ket ad-adda a mapadur-as ti turismo iti nasao a municipyo.
Nainget met a maikalkalikagum ti panangsurot dagiti bisita kadagiti safety protocols nu agturongda iti hidden bonsai paradise.
