Nalapdan ti Bureau of Immigration (BI) ti pito nga American sex offenders a sumrek iti Pilipinas.
Sigun iti nasao nga ahensia, innem ti nalapdan iti Ninoy Aquino International Airport (NAIA), bayat a maysa ti nalapdan iti Mactan-Cebu International Airport.
Idi Enero 6, nalapdan iti Ninoy Aquino International Airport (NAIA) ti agtawen ti tallo pulo gaputa asentensiaan isuna idia 2014 panagikut ken panangkontrol kadagiti naalas a materiales a mangiladawan iti maysa a menor de edad iti seksual a kababalin.
Saan metlaeng a nakastrek ti agtawen ti limapulo nga Amerikano idi Enero katorse gaputa nasentensiaan idi 2002 iti panangmolestiya ti maysa nga agtutubo, ken kasta metten ti agtawen ti tallo pulo ket tallo a nasentensiaan idi 2014 gapu iti panangabusona iti menor de edad.
Idi met Enero a kinse, saan metlaeng a napatgan a sumrek iti Pilipinas ti agtawen ti innem a pulo ket siam nga Amerikano gaputa nasentensiaan iti criminal sexual conduct idiay Wisconsin idi tawen 1999.
Karaman metlaeng kadagiti saan a nakastrek ket ti agtawen tri pito pulo ket maysa gapu iti panagikutna iti sexually abusive material a karaman dagiti ubbing, ken ti agtawen ti innem a pulo gapu iti panangmolestiana ti ubing nga agtawen ti innem idi tawen 2000.
Sigun kenni Immigration Commissioner Joel Anthony Viado, dagiti Amerikano ket saan a nakastrek iti Pilipinas gapu iti probision ti Immigration Act.
