BAGUIO CITY – Dumanon iti 70 a blood samples ti nakolektar manipud kadagiti kabalyo sadiay Wright Park, ditoy siudad ti Baguio.
Maitunos daytoy iti panangwanawan ti Baguio City Veterinary and Agriculture Office kadagiti nasao nga animal manipud iti Equine Infectious Anemia kasaruno ti panakaduktal ti nasao a sakit kadagiti kabalyo sadiay.
Naala dagiti nasao a samples manipud kadagiti 184 a kabalyo iti siudad a mabambantayan manipud iti Equine Infectious Anemia iti tunggal innem a bulan.
Tarigagay ti testing dagiti kabalyo a malapdan ti panagwaras ti nasao a sakit.
Immunan nga imbilin ni Mayor Benjamin Magalong ti mandatory isolation amin dagiti masakit a kabalyo ditoy siudad tapnu saan nga ad-adda nga agwaras ti Equine Infectious Anemia iti lokalidad.
