Dumanon iti 71 a Persons Deprived of Liberty (PDLs) iti Baguio City Jail ti nagleppas iti baking-related technical training a naisayangkat iti sidong iti panagtinnulong iti Cordillera State Institute of Technical Education (CSITE) ken Bureau of Jail Management and Penology (BJMP).
Naisayangkat ti panagsanay iti Female ken Male Dormitories nu sadinno nakaadal dagiti nakipaset iti panangaramid iti tinapay ken pastry kas paset iti rehabilitation program.
Duapulo ket pito a PDLs manipod iti Female Dormitory ti nagleppas iti uppat nga aldaw a Bread and Pastry training manipod Pebrero 24 agingga 27, bayat a 44 a PDLs met manipod iti Male Dormitory ti nagleppas iti Pastry Making training manipod Pebrero 25 agingga Marso 2.
Sigun iti BJMP ken CSITE, panggep iti programa a papigsaen ti kabaelan dagiti PDLs tapno maaddaan iti oportunidad iti trabaho wenno panagnegosyo iti pannakawaya-waya dagitoy
