Nakasangpet a natalged dagiti siam nga Overseas Filipino Workers a biktima iti human trafficking sadiay Myanmar.
Sigun iti Department on Migrant Workers (DMW), simmangpet dagiti OFWs iti NAIA Terminal 3 sadiay Pasay City idi Disiembre 28, 2025.
Sinabat dagtoy ni DMW Asec. Maria Regina Angela Galias ken dagiti representatives manipud iti Overseas Workers Welfare Administration (OWWA) ken NAIA Task Force Against Human Trafficking (NAIATFAT).
Naipaayan dagiti nasao nga OFWs iti inisial a financial assistance ken welfare support manipud iti DMW ken OWWA.
Sigun iti DMW, kaadduan kadagiti biktima ti naallilaw babaen kadagiti social media job ads a mangikarkari iti nangato a sueldo kas chat support.
Nupay kasta, napilitanda nga agtrabaho kadagiti cyber-scam center iti sidong dagiti trafficking syndicates.
Iti agdama, makikoordinar ti gobierno ti Pilipinas iti Thailand ken Myanmar tapno maituloyda ti operasion kontra kadagiti trafficking syndicates.
