BAGUIO CITY – Isaksakad dagiti transport group ti panakanayun ti plete kadagiti parapubliko a jeep.
Segun kenni Pat Evangelista, executive vice president ti Federation of Jeepney Operators and Drivers Association Baguio-Benguet, anyaman nga aldaw ita a lawas ket ipiladan ti nasao a gakat para iti dua a pisos a mainayun iti minimum fare kadagiti jeep.
Kinunana nga isurotda ti nasao a fare increase sadiay Manila a dumanon itan iti sangapulo a pisos ngem nangatngato iti limapulo a sentimos laeng ditoy Cordillera.
Inlawlawagna a nagsasaruno ti panagngato ti presyo ti krudo, piyesa ken dadduma pay a komodite isut gapuna a panawenen tapnu maipangato met ti plete.
Kinunana a nu bumaba ti presyo dagiti produkto a petrolyo ket bassit laeng a sentimos ti maikissay bayat a nu maipangato ti presyo dagitoy ket dumandanon pay iti pisos agingga iti dua a pisos ti mainaynayun.
Dinakamatna met nga adda ti LTFRB a mang-regulate iti plete nu nababa unayen ti presyo dagiti produkto a petrolyo.
