BAGUIO CITY – Nabigbigen ti kinasiasino ti dua a bangkay ti babai a nasarakan iti rangkis sadiay Sitio Inonas, Barangay Taloy Sur, Tuba, Benguet idi malem, kalman.
Maibasar iti report ti Tuba MPS, nabigbig dagitoy a da Andrea Rabara Quiros, 19 anyos ken Anika Columbino Principe, 16 anyos, agpada a residente ti San Vicente, Urdaneta City, Pangasinan.
Nabigbig dagitoy babaen kenni Pangasinan Police Staff Master Sergeant Albert Peralta Quiros, ama ni Andrea ken uncle met ni Anika.
Sigun kenni PSSgt. Quiros, agkadwa da Andrea ken Anika idi napukaw dagitoy.
Iti agdama ket adda ti bangkay dagiti biktima iti Cosmopolitan Funeral Homes nu sadino maipasidong pay dagitoy iti otopsiya.
Iti agdama ket agtultuloy ti imbestigasyon ti Tuba MPS tapno maduktalan ti rason iti ipupusay dagiti biktima ken ti pakabigbigan dagiti suspek.
