--Ads--
BAGUIO CITY – Nakabalod ita ti 21-anyos a babai kalpasan a nagpammarang a masikog tapno makataw ti nagduduma a produkto manipud iti maysa a supermarket iti Baguio City idi kalman.
Maibasar iti report ti Baguio City Police Office- Station 7, ti suspek ket residente ti Crystal Cave, Baguio City.
Sinumrek daytoy iti supermarket ken nagtakaw ti sumagmamano a produkto babaen iti panangilemmengna iti tiyanna.
Nadlaw met ti empleyado ti supermarket ti naidumduma a panag-gungunay ti suspek
Babaen iti tulong ti security guard ket naduktalan a ti bukol iti tiyan ti suspek ket dagiti tinakawna a lako nga aggatad ti P5,645.
Maisagsaganan ti kaso a maipila kontra kenkuana.
