--Ads--
BAGUIO CITY – Nagpalagip manen ti La Trinidad MPS kadagiti biyaheros kasaruno ti napasamak a karambola ti lugan sadiay Km. 4, La Trinidad, Benguet itay laeng malem.
Iti phone interview ti Bombo Radyo, kinuna ti imbestigador a maatap a naituglepan ti maysa kadagiti driver rason a nadungparna dagiti sarsarunoenna a lugan.
Awan met ti nadangran iti nasao nga insidente pakairamanan dagiti pasaheros.
Sigun pay iti imbestigador, paturong sadiay strawberry farm dagiti uppat a lugan idi napasamak ti insidente.
Nupay kasta, nangitunda ti aksidente iti sangapulo a minutos a traffic.
Nagsasarita metten dagiti drivers ti lugan ken naipasidong iti amicable settlement.
