Naiyuwsat ti kaunaan a baro a disenyo ti box ti condom wenno “kaalaman” iti syudad ti Baguio sadiay Malcolm Square wenno People’s Park idi kalman.
Iti pannakiuman ti Bombo Radyo kenni Dr. Ryan Guingaran, kinunana a ti pannakabaro ti disenyo ket ma-prebentaran ti stigma manipud iti sabali nga indibidual ken tapno saan a mabain dagiti indibidual a gumatang ken agaramat iti condom.
Malaksid iti dayta, ti baro a disenyo ti box ti condom ket panggepna metlaeng daytoy nga itandudo ti kultura ti Pilipino gapu ta baybayin art ti naaramat iti ditoy.
Impeksana pay a maysa a rason wenno panggep ti pannakabaro ti box ket tapno mapainget wenno mas umado pay dagiti indibidual nga agaramat iti nasao a contraceptives nangruna ta ma-ob-obserbaran a ngumatngaton dagiti kaso ti unplanned pregnancies, teenage pregnancy ken ngumatngato metlaeng a kaso ti human immunodiffiency virus (HIV) iti rehion Cordillera.
Inlawlawagna pay a saan laeng a ti nasao a contraceptive ti mabalin nga aramaten dagiti inbididual a kayatna nga agaramat gapu ta adu pay dagiti dadduma a klase ti contraceptives ngem mas sig-surado daytoy a natalged.
Kabayatanna, manamnama met a maiyuswat sadiay Metro Manila ti box ti “Protection” gapu ta ti NCR ti nakailista ti kadakelan ti parikut ti HIV.
Manamnama metlaeng a maiyusuat ti box a ” Ligaya” sadiay Bacolod a mangipakpakita a ti panagaramat ti nasao a contraceptives ket joyful ket ti maudi sadiay Ilo-Ilo no sadino ket box ti “Pagmamahal” ti maiyusuat sadiay.
