Inlawlawag ni Vice-President Sara Duterte idi kalman a saan a nagkiddaw ti asylum ti amana a ni sigud a President Rodrigo Duterte manipod iti gobierno ti China idi nagbisita isuna idiay Hongkong, wenno nakipagsarita iti siasinoman ng opisial ti Chinese.
Daytoy ket sungbat ti Bise President iti sangangguseng a nagbiahe ti tatangna idiay Hongkong tapno agkiddaw ti asylum sakbay ti pannakakemmeg ti amana idi kalman iti kiddaw ti International Criminal Court.
Immunan nga imbaga ti foreign ministry ti China a saan koma a mapolitikaan ti ICC.
Patienna latta ni Vice President Sara a “politically motivated” ti pannakakemmeg ti amana ken daytoy ket maipapan iti 2028 election.
Maibagbaga gamin a tumaray ni Vice President Sara Duterte iti kinapresidente inton tawen 2028, ngem sumangsango iti impeachment trial a supsuportaran met dagiti kaalyado ti presidente.
