Manarimaan ti imbestigasyon dagiti otoridad sadiay Bangued, Abra maipapan iti nagsinaruno a panakaipurwak iti granada iti nasao a lugar idi Marso a diez iti agdama a tawen.
Gapu iti dayta, ad-adalen dagiti otoridad dagiti mabalin a maaramat nga ebisdensya kas iti CCTV footage.
Saan a mailibak nga iti umadanin nga eleksyon ket bumarbara ti tensyon sadiay Bangued, Abra no sadino maysa a granada ti mapapati a naipurwak iti lugan ni Vice Governor Maria Jocelyn Valera-Bernos ken saan daytoy a bemtak.
Sigun iti Commssion on Elections mabalin a maituding daytoy kas election-related incident.
Iti sabali a bangir, naipurwak ti granada iti sangwanan ti bangko ken saan a bemtak.
Kabayatanna, konkondenaren dagiti otoridad ti anyaman a panggep a mang-apapketar iti linak ken kappia sadiay Abra.
Makidkiddaw met iti publiko a saan dagitoy nga agpanic ken agbuteng gapu ta nainget ti ar-aramiden dagiti otoridad a panangbantay iti nasao a lugar.
Malaksid iti dayta, makidkiddaw met laeng ti koordinasyon ti publiko para iti panakatiliw dagiti suspek a nangaramid iti nasao a banag.
