Agpalpalagip ti Bureau of Fire protection (BFP) kalpasan a nailista dagitoy ti dua a nagsaruno a kaso ti uram iti siudad itay napalabas.
Iti panakiuman ti Bombo Radyo kenni Senior Fire Officer 1 Lyod Ashley Furigay, Public Information Officer- Bureau of Fire protection (BFP), kinunana a nasken ti panag-annad, ti saan a panagbaybay-an kadagiti malutluto, ti saan a panagaramat dagiti ubbing iti posporo ken daduma pay.
Daytoy ket kalpasan a nirespondeanda dagiti dua a napasamak nga uram a manarimaan paylaeng a maim-imbestigaran.
Sigun kenni Furigay, nailista dagitoy ti maika-dise syete a kaso ti uram a forest fire iti siudad ti Baguio idi Marso dise syete ita a tawen a napasamak sadiay Block 11 Lot 1 , East Crest Bakakeng Phase 3.
Kinuna ni Furigay a ti nasao nga insidente ket isu ti kaunaan a kaso ti forest fire iti siudad ita a tawen no sadino dumanon iti agarup 1-K square meter ti nauram.
Awan met ti nadangran ken nairaman a pasdek iti daytoy.
Iti sabali a bangir, nailista ti maika-dise syete a kaso ti uram a napasamak idi Marso dise otso ita a tawen sadiay Bengao Road, Bakakeng Central.
Daytoy ket structural fire ken awan met laeng ti nadangran.//Bombo Noveh Organo
