BONTOC, MT PROVINCE – Iggem itan ti pulisya ti 19-anyos a lalaki a nangkugkugtar kadagiti dua a menor de edad iti sangoanan ti Sta. Rita Cathedral De Cascia idiay Bontoc, Mt Province.
Maibasar iti report ti Bontoc Municipal Police Station, napasamak ti insidente idi malem ti Abril 8, 2025.
Ti suspek ket maysa nga Out-of-School Youth bayat a dagiti biktima ket agtawen iti 16 ken 14.
Iti inisyal nga imbestigasyon, nagtutugaw laeng dagiti biktima iti sidewalk idi killaat a kinugkugtaran ti suspek iti saan nga ammo a rason.
Naiturong met dagiti biktima iti ospital para iti medical evaluation ken naituding a maipasidong dagitoy iti counseling inton bigat, Abril 10.
Iti agdama ket manarimaan ti imbestigasyon dagiti otoridad tapno maduktalan ti motibo ti suspek ken nu pilien ti maseknan a pamilya a kasoan daytoy.//Noveh Grace Organo
