Impaay ni President Ferdinand Marcos Jr. ti pannakipagriknana kadagiti biktima ti Lapu-Lapu Festival sadiay Vancouver, Canada a nakatayan ti siam a Pilipino ken nakadangran ti dadduma pay kalpasan a dinalapos ti maysa a drayber dagiti “festival goers” babaen ti luganna.
Sigun iti Presidente, naklaat isuna idi nangngegna ti nakaam-amak a napasamak.
Kabayatanna, impadamag ti Presidente a manarimaanen ti panagtignay dagiti otoridad idiay Canada tapno maipasigurado a nainget a maimbestigaran ti nasao nga insidente, ken dagiti biktima ken pamiliada ket masuportaran.
Sigun met kadagiti kameng ti pulisia iti nasao a pagilian, natiliwdan ti lone suspect” — maysa a lalaki nga agtawen ti tallo pulo manipod Vancouver– ken saanda nga inkonsidera ti insidente kas maysa a tignay ti terorismo.
Karaman kadagiti nangipaay ti panakisimpatiana ket ni King Charles ti Britania nu sadinno, kinunana nga isuna ken ti asawana a ni Queen Camilla ket maladingitan unay iti napasamak.
