Pinagyamanan ni Commission on Elections (Comelec) Chairman George Erwin Garcia ti Bombo Radyo Philippines iti agtultuloy a panangipadamagda, manipud iti panagsagana iti national ken local elections agingga a nagleppas daytoy.
Sigun kenni Garcia, dakkel a tulong ti naaramidan ti Bombo Radyo para iti information dissemination.
Kinunana saan a maaramid amin ti poll body no dagitoy amin ti mang-aramid ken mangipadamag kadagiti mapaspasamak, rason a dakkel a tulong ti impaay ti Bombo Radyo iti publiko tapno maipakaammo dagiti kauddian a damdamag maipapan iti eleksyon ken dadduma pay.
Impettengna nga alerto ti publiko iti mapaspasamak iti Commission on Elections gapu iti regular updates nga ipadpadamag ti stasyon.
Kabayatanna, inaklon pay ni Garcia nga adu dagiti panggepna a masukatan iti pamay-an iti eleksyon ngem naragsak daytoy agsipud ta dadduma ket narugianen.
Daytoy ket pakairamanan ti early voting para kadagiti senior citizens, person with dissabilities ken dagiti masikog.
