--Ads--
Inaklon ni Vice President Sara Duterte a dinamagna iti kabsatna a ni Davao City 1st District Representative Paolo “Pulong” Duterte a makilaban nga agbalin a House Speaker iti masungad a 20th Congress.
Sigun kenni Sara, awan ti kandidatona para iti House speakership ken Senate presidency iti sidong ti masungad a 20th Congress ken awan ti immasideg kenkuana para iti pamendisionna.
Nupay kasta, dinamagna iti kabsatna para iti nasao a posision ngem saan a simmungbat daytoy.
Idi laeng kalman, dinakamat ni Deputy House Speaker David “Jay-Jay” Suarez a tagtagiragsaken paylaeng ni incumbent House Speaker Martin Romualdez ti aw-awaganda a ‘supermajority’.
