Maiyunay-unay kadagiti residente iti siudad ti Baguio nga itali-da dagiti aso dagitoy tapno saan nga agwalang-walang kadagiti kalsada a mabalin a mangitunda iti vehicular traffic accident.
Iti panakiuman ti Bombo Radyo kenni Arthur Carlos, kapitan ti Barangay Irisan, nasken nga agbalin a responsable dagiti indibidual nga adda alagana a kas iti aso, daytoy ket gapu ta dagiti aso ket naituding a maitali iti pagtaengan ken saan a tapno agwalang-walang.
Maipalagip nga iti siudad ti Baguio ket adda iti ordinansa nga “Aso mo, tali mo” no sadino no maatalan ti maysa nga aso, saan nga agbalin a responsable dagiti motorista.
Sigun kenni Carlos nga idi napalabas a tawen, adda ti nailista dagitoy a vehicular traffic accident sadiay Irisan a nakairamanan ti walang nga aso, ti panagkamat ti aso iti nakamotor a lalaki ken panakatnagna iti derraas.
