Namnamaen ti Commission on Elections (Comelec) nga adda ti maipaulog a linteg a mangipalubos iti pannakaisayangkat ti automated wenno hybrid method ti panagbutos iti Barangay ken Sangguniang Kabataan Elections (BSKE) iti masakbayan.
Ti masungad gamin a Barangay ken Sanguniang Eleksion inton Disiembre a uno ket mapasamak babaen iti “manual” wenno iti panangisurat ti nagan dagiti kayatda nga agbalin a kapitan ti barangay, kameng ti Sanguniang Barangay, chairman ken kameng ti Sanguniang Kabataan.
Sigun kenni Garcia, ti kaadda ti automated BSKE ket saan laeng a mangpataud iti naparpartak a resulta, no di ket mangsalaknib pay kadagiti kameng ti electoral board ken canvassers manipud iti aniaman a pangta.
Idi tawen 2023, nangisayangkat ti nasao nga ahensua ti pilot testing ti automated BSK polls iti tallo a lugar, ket sigun kenni Garcia, nabaelanda maiproklamar dagiti nangabak iti uneg laeng ti maysa nga oras.
